Zyra për informim e Policisë në Prizren njofton se me datë 07 gusht 2021, në rrugën “Enver Hadri” në Prizren, kishte ndodhur një rast lëndim i rëndë trupor. Dy të dyshimtë kishin lënduar një person viktimë dhe njëri nga të dyshuarit kishte qenë në arrati.
Në punën operative-hetimore dhe video gjirimeve policia ka identifikuar dy persona të dyshimtë për të cilët kishte ngritur kallëzim penal, njëri ishte ndaluar në mbajtje menjëherë në kohën e incidentit, ndërsa sot, me datë 11 tetor 2021, i dyshimti tjetër i cili kishte qenë në arrati ishte paraqitur pranë prokurorit të lëndës dhe i njëjti është ndaluar.
