Drejtoresha e Emergjencës dhe Sigurisë në Prizren, Ramize Sinanaj – Shala, ka njoftuar se gjatë ditëve të fundit, në disa zona të komunës së Prizrenit janë raportuar zjarre të shpeshta, të cilat sipas saj kanë shkaktuar dëme të konsiderueshme në mjedis. Ajo ka bërë të ditur se situata është shqetësuese për shkak të kushteve të motit të nxehtë dhe të thatë, të cilat e rrisin rrezikun e përhapjes së mëtejshme të zjarreve.
Zjarret e shpeshta në komunën e Prizrenit, drejtoresha Shala fton qytetarët të shmangin veprimet që mund të shkaktojnë zjarre
Drejtoresha Shala, tutje ka ftuar të gjithë qytetarët të jenë të kujdesshëm dhe të shmangin çdo veprim që mund të shkaktojë zjarr, si ndezja e zjarreve në natyrë apo djegia e mbeturinave. Çdo zjarr, sado i vogël, mund të përhapet me shpejtësi dhe të dalë jashtë kontrollit, ka thënë ajo.
“Në rast se vëreni zjarr ose tym, ju lutemi të njoftoni menjëherë shërbimet përkatëse përmes numrit të zjarrfikësve 193. Komuna e Prizrenit është në bashkëpunim të ngushtë me Njësinë e Zjarrfikësve dhe institucionet tjera relevante për të menaxhuar situatën dhe për të minimizuar dëmet. Ne ju sigurojmë që po merren të gjitha masat e nevojshme për të mbrojtur jetën dhe pronat e qytetarëve tanë.”, ka shkruar në fund të njoftimit të saj drejtoresha./TVPrizreni/
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Kosova dhe Franca synojnë thellimin e bashkëpunimit ekonomik, në fokus investimet dhe Lojërat Mesdhetare 2030
Totaj takon ushtruesin e detyrës së drejtorit të Parkut Kombëtar “Sharri”, diskutohet për Prevallën
Abdixhiku thërret Kuvendin e jashtëzakonshëm të LDK-së
