Këshilltari i u.d. presidentes Vjosa Osmani, Faton Peci, tha se partitë politikë nuk do të ftohen për të diskutuar rreth çështjes së presidentit.
Ai tha se qëndrimi i Osmanit është i qartë që Presidenti duhet të derivojë nga zgjedhjet e reja dhe Parlamenti i ri.
Ai shtoi se Osmani do t’i ftojë subjektet politike për çështjen e pandemisë dhe atë të dialogut.
“Sot një gazetar, gjatë konferencë për shtyp të nënkryetares se kuvendit, ka bere pyetje me sugjerimin se u.d Presidentja ka thënë se do t’i ftojë subjektet politike për çështjen e zgjedhjes se presidentit. Siç konfirmohet ne intervistën për RTK, ajo ASNJËHERË nuk ka thënë se do ti ftojë subjektet për TEMËN E PRESIDENTIT. Përkundrazi, e ka bërë të qartë qëndrimin e saj se Presidenti duhet të derivojë nga zgjedhjet e reja dhe Parlamenti i ri, ndërkaq ka paralajmëruar se do të ftojë liderët politikë për të diskutuar për çështjen e pandemisë dhe çështjen e dialogut”, shkroi Peci në Facebook.
Klikoni KËTU për tu bërë pjesë e kanalit të TV Prizreni në Youtube.
