Vjen reagimi i ashpër nga OVL UÇK, pas seancës së sotme në Speciale për Thaçin dhe të tjerët

Sekretari i organizatës së veteranëve, Faton Klinaku ka reaguar në Facebook gjatë kohës sa është duke u mbajtur seancë dëgjimore për ish-presidentin Hashim Thaçi dhe të tjerët në Speciale.Klinaku ka shkruar se kjo prokurori është puro politike, e që sipas tij ka për qëllim që të fitoj rastin pa prova.

“Prokuroria puro politike në Hagë, e cila e ka qëllimin për ta fituar rastin pa prova, ose vetëm me pseudoprovat e saj, detyrohet që të tërhiqet pas reagimit të mbrojtësve të cilët thanë se do t’iu bëjnë ekspertizë të gjitha akuzave dhe të gjithë dëshmitarëve”, ka thënë Klinaku.