Ministri i Shëndetësisë, Arben Vitia, ka bërë thirrje për vaksinim masiv pas rritjes së rasteve të reja me COVID-19.
Pas mbledhjes së qeverisë, ai në një konferencë për media ka treguar masat që janë marrë, ndërkaq ka theksuar se shumica dërmuese e rasteve të reja janë më variant Delta.
“Varianti Delta sipas hulumtimeve e ka shkallën e shpërndarjes më të lartë së paku katër herë. Ky variant dominon prej mbi 80 prëqind të rasteve me COVID-19. Kjo na detyron të gjithëve të rrisim në maksimum kujdesin, t’i rrisim masat dhe të parandalojmë përkeqësimin e situatës. Në këtë betejë vetëm bashkë mund t’i a dalim”, ka thënë ai, njofton Klankosova.tv.
“U bëjmë thirrje qytetarëve që pa asnjë hezitim të caktojnë termin dhe të vaksinohen. Vaksinat janë të sigurta, të aprovuara. Nga vendet e rajonit jemi i vetmi vend që i kemi këto vaksina në nivelin e sigurisë. Ata që nuk janë vaksinuar nuk kanë arsye që të mos e bëjnë këtë. T’i bashkohen shumicës dhe t’i përgjigjen pozitivisht thirrjes për vaksinim”.
“Dje janë vaksinuar rreth 18 mijë veta sot kemi rreth 19 mijë termine. Jemi të vetëdijshëm që kërkesat më të mëdha janë në Prishtinë ku edhe jeton numër më i madh i popullatës”.