Pavarësisht situatës me pandeminë COVID-19, ku shumë vende të Evropës kanë hyrë në izolim, kjo nuk i ka ndaluar shumë bashkatdhetarët që të vijnë në Kosovë për festat e fundvitit.
Fluks i madh i tyre është vërejtur edhe gjatë dy ditëve të vikendit në të gjitha pikë kalimet kufitare në Kosovë e po ashtu edhe përmes Aeroporti Ndërkombëtar “Adem Jashari”.
Sipas statistikave nga ana e Policisë së Kosovës, të cilat i ka siguruar Telegrafi, gjatë dy ditëve të vikendit më 19 dhe 20 dhjetor 2020, në territorin e Kosovës nga pikat kufitare dhe aeroporti, kanë hyrë 70 mijë e 47 qytetarë.
Sipas këtyre statistikave të shtunën më 19 dhjetor, në territorin e Kosovës përmes pikave kufitare kanë hyrë 26 mijë e 583 persona, kurse të dielën më 20 dhjetor kanë hyrë 30 mijë e 72 persona, e që në total i bie 55 mijë 655 persona, shkruan Telegrafi.
