Sejnur Veshall, ish zëvendës ministri i kulturës, rinisë dhe sportit, përmes një statusi në Facebook, ka paralajmëruar se gjuha rome është duke shkuar sigurt drejt zyrtarizimit në komunën e Prizrenit.
Veshall, pati kritika për politikanët rom, sepse tha se atë që nuk e bën politikanët, po e bënë shoqëria civile, duke siguruar, që gjuha rome të zyrtarizohet.
Sipas Senjur Veshall, kjo çështje tashmë e ka edhe përkrahjen e kryetarit të Prizrenit, z.Shaqir Totajt.
Shkrimi i plotë i Sejnur Veshall:
“Gjuha rome drejt zyrtarizimit në Prizren!
Shoqëria civile e komunitetit rom, është pasuria më e madhe dhe fuqia e vetme në Kosovë. Puna dhe përkushtimi tash e dy dekada nga ky sektor ka qenë qenësor në përmisimin e pozitës të romëve.
Me një inciativë të intelektualëve rom në bashkëpunim me komunitetin shumicë ishte krijuar rrjeti Ad Hoc për njohjen e statutit të gjuhës rome. Sot, kryetari i Prizrenit u deklarua pozitivisht në aprovimin e kësaj kërkese shumë vjecare.
Atë që politika rome nuk ka pasur guxim e fuqi ta bëjë, e ka bërë shoqëria civile.
Time to make history!”
Klikoni KËTU për tu bërë pjesë e kanalit të TV Prizreni në Youtube.
