Kryetari i Komunës së Dragashit, Bexhet Xheladini, në një postim në faqen e tij zyrtare ka njoftuar se po vazhdon aksioni për pastrimin e Liqenit të Breznës. Kryetari ditë më parë kishte njoftuar se ky kompleks turistik i Liqenit është në fazën përfundimtare. Sipas tij, projekti do të përfshij disa aspekte kyçe:
“Pastrimi i liqenit, amfiteatri, mbjellja e drunjëve, këndi i lojërave për fëmijë, staza për ecje dhe biçiklistë janë në përfundim e sipër”.
Po ashtu, Xheladini ka theksuar se rrjeti i kanalizimit për fshatin Brezne është në fazën e fundit.
