Ministria e Mbrojtjes dhe Forca e Sigurisë së Kosovës kanë bërë të ditur se nga sot kanë marrë në menaxhim pronat e Aeroportit të Dumoshit, të cilat i quajtën pika strategjike për rritjen e mbrojtjes dhe sigurisë së vendit.
Ministri i Mbrojtjes, Ejup Maqedonci, tha se vendosja e ushtarëve të FSK-së në pronat e Aeroportit të Dumoshit është një zhvillim domethënës për sigurinë dhe stabilitetin në rajon, teksa shtoi se kjo datë përkon edhe me ditëlindjen e Heroit të Kosovës, strategut dhe inspiruesit të luftës çlirimtare, Zahir Pajaziti.
