Rastet e dhunës në familjet kosovare po vazhdojnë të rriten, ndërkohë që çdo ditë e më shumë gratë janë ato që po përjetojnë dhunë fizike e psikike nga partnerët e tyre. Një rast i tillë është raportuar të ketë ndodhur së fundmi, në një familje në Suharekë – ku i dyshuar është një 48-vjeçar, raporton Gazeta Sinjali.
I dyshuari u denoncua fillimisht për dhunë dhe më pas u zbulua se i njëjti posedon edhe armë ilegale.
Si rezultat, Policia ka ndërmarrë veprimet e nevojshme, me ç’rast është kontrolluar shtëpia e tij, ku është konfiskuar një kallashnikov dhe 30 fishekë.
Sinjali ka mësuar se personi që po dyshohet për këto dy vepra penale është Rexhë Qelaj, ndaj të cilit Prokurori i Shtetit ka urdhëruar masën e ndalimit policor.
Lajmin e ka konfirmuar edhe Policia Rajonale në Prizren.
“Raportohet se i dyshuari mashkull kosovar i cili është i ndaluar lidhur me një rast, ka pranuar që posedon në armë. Njësitet policore kanë gjetur dhe konfiskuar në shtëpinë e tij një AK 47 me 30 fishekë.” – ka njoftuar Policia.
/GazetaSinjali/