Komuna e Prizrenit ka njoftuar se kryetari, Shaqir Totaj, priti sot përfaqësuesit e Agjencisë Amerikane për Mbrojtjen e Mjedisit (US Environmental Protection Agency) dhe Korpusit të Paqes (Peace Corps) të cilat kanë filluar bashkëpunim të ri.
Përmes këtij bashkëpunimi, vullnetarët e Korpusit të Paqes në Kosovë, Shqipëri, Maqedoni të Veriut dhe Mal të Zi do të trajnohen në fushën e ambientit dhe ndryshimeve klimatike dhe do të kenë mundësi të implementojnë projekte në këtë fushë, të përkrahura edhe financiarisht nga US EPA, njofton komuna.
