Kryetari i Prizrenit, Shaqir Totaj, ka shprehur pikëllimin për ndarjen nga jeta të njërit prej figurave më të shquara dhe më të respektuara të futbollit të Kosovës, Erdogan Celina.
Totaj e ka cilësuar Celinën si simbol të një brezi të artë, kontributi i të cilit la gjurmë të pashlyeshme në historinë e sportit të futbollit, sipas tij.
“Me pikëllim të thellë morëm lajmin për ndarjen nga jeta të ikonës së futbollit prizrenas dhe kosovar, Erdogan Celina. Erdogani ishte më shumë se një futbollist, ai ishte simbol i një brezi të artë, një mesfushor i dalluar me vizion, qetësi dhe disiplinë shembullore në fushë. Kontributi i tij në fanellat e klubeve si Trepça, Prishtina dhe Liria la gjurmë të pashlyeshme në historinë e sportit tonë.” – ka shkruar Totaj në Facebook.
