Sot u jepet lamtumira e fundit poetit Xhevdet Bajraj dhe regjisores Vjosa Berisha

“Informojmë të gjithë familjarët, miqtë dhe opinionin publik për ceremoninë mortore të së dashurës sonë Vjosa Berisha: E enjte, 30 qershor, 14:00-15:00h homazh në Teatrin Kombëtar të Kosovës (foajea e TKK); 15:00-16:00h Mbledhja komemorative në Teatrin Kombëtar, organizuar nga Ministria e Kulturës (salla e madhe e TKK); 17:00h Varrimi, në varrezat e Prishtinës (Arberi). E pamja – datat 1,2,3 korrik (e premte – diele) në Hotel Grand , Prishtinë (kati 1) nga 11:00-18:00h”- ka shkruar ai.

Regjisorja Vjosa Berisha, vdiq para pak ditësh në një spital në Londër pas një beteje me kancerin.

Po ashtu sot në varrezat e qytetit të Rahovecit, do të varroset edhe poeti Xhevdet Bajraj.

Kryetari i Komunës së Rahovecit, Smajl Latifi, e ka bërë të ditur këtë duke shtuar se trupi i tij është kremuar në Meksikë dhe se ashtu do të varroset në vendlindje.

Latifi ka shpërndarë edhe një njoftim në Facebook, në të cilin ka bërë të ditur se ceremonia e varrimit do të fillojë nga ora 16:00 e datës 30 qershor.

Në nder të poetit të vdekur do të mbahet edhe mbledhje komemorative si dhe orë poetike.

Bajraj vdiq më 22 qershor të këtij viti.