Sot shënohet Dita Botërore e Infermierëve.
Spitali i Përgjithshëm në Prizren – prim”Dr. Daut Mustafa”, përmes një postimi në rrjetin social Facebook ka theksuar përkushtimin, humanizmin dhe sakrificën që kanë infermierët në punën e tyre.
“Ata janë pranë pacientëve në çdo moment të vështirë, duke dhënë jo vetëm kujdes profesional, por edhe ngrohtësi dhe mbështetje emocionale. Kjo është një ditë për të shprehur falënderimin dhe mirënjohjen tonë për të gjithë ata që me zell dhe dashuri kujdesen për jetën e të tjerëve.
Sot, le të reflektojmë për rolin jetik që luajnë infermierët në sistemin shëndetësor dhe të angazhohemi për t’i mbështetur ata më shumë, jo vetëm sot, por çdo ditë”, thuhet tutje në këtë postim.