Ministria e Arsimit, Shkencës, Teknologjisë dhe Inovacionit ka njoftuar të gjithë maturantët për shtyrjen e afatit për paraqitjen e provimit të maturës deri më 25 gusht të këtij viti.
MAShTI ka bërë të ditur se me qëllim që të sigurohet qasje e barabartë dhe të mundësohet paraqitja e provimit për të gjithë maturantët që i plotësojnë kriteret, afati për paraqitjen e provimit të maturës zgjatet deri më 25 gusht 2025, në ora 10:00.
MAShTI tutje ka ftuar të gjithë maturantët që ende nuk e kanë paraqitur provimin, që ta shfrytëzojnë këtë afat shtesë për aplikimin e tyre përmes platformës e-Kosova.
Ministria e Arsimit, Shkencës, Teknologjisë dhe Inovacionit ka njoftuar se, përmes platformës e-Kosova, deri më tani provimin e Maturës Shtetërore e kanë paraqitur 5,110 kandidatë.