Shtetet e Bashkuara të Amerikës kanë kërkuar sërish përfundimin e misionit të Kombeve të Bashkuara në Kosovë (UNMIK).
Këtë kërkesë e ka bërë të ditur e ngarkuara me punë e Misionit të SHBA-ve në OKB, ambasadorja Dorothy Shea, pas një takimi në Uashington me presidenten e Kosovës, Vjosa Osmani.
“Kisha nderin të takohem me Presidenten e Kosovës, Vjosa Osmani. Shtetet e Bashkuara e konsiderojnë Kosovën si një partnere të ngushtë strategjike dhe janë fuqimisht të përkushtuara ndaj njohjes së saj të plotë në Kombet e Bashkuara. Ka ardhur koha që të mbyllet UNMIK-u”, ka shkruar ambasadorja në platformën X.
