Shtetet e Bashkuara i kanë dhuruar Forcave të Armatosura të Shqipërisë 29 Humvee, të cilat do të ndihmojnë në rritjen e gatishmërisë ushtarake shqiptare dhe ndërveprimit të saj me NATO-n.
SHBA i dhuron Forcave të Armatosura të Shqipërisë 29 Humvee ushtarake
Përmes një njoftimi në rrjete sociale, Ambasada Amerikane njofton se mjetet e blinduara mbërritën ditën e sotme në portin e Durrësit.
”Njëzet e nëntë Automjete Shumë-Përdorimshme me Lëvizshmëri të Lartë (Humvee) mbërritën sot në Portin e Durrësit. Këto automjete janë dhurim për Forcat e Armatosura të Shqipërisë nga Ushtria e Shteteve të Bashkuara të Amerikës dhe do të ndihmojnë në rritjen e gatishmërisë ushtarake shqiptare dhe ndërveprimit të saj me NATO-n”, shkruan Ambasada Amerikane.
Klikoni KËTU për tu bërë pjesë e kanalit të TV Prizreni në Youtube.
