Me qëllim të ruajtjes së faunës, Instituti për Mbrojtjen e Natyrës (IKMN) që funksionon në kuadër të Agjencisë për Mbrojtjen e Mjedisit (AMMK), si institucion qendror përgjegjës për mbrojtjen dhe ruajtjen e biodivesitetit, ka krijuar një listë të lokacioneve të folenizimit të lejlekëve, me qëllim të promovimit të tyre.

AMMK përmes një njoftimi bën të ditur se një fole e tillë u vendos në fshatin Lloshkobare të Ferizajt, pasi ajo e vjetra ishte dëmtuar.

“Shumica e këtyre llojeve e kryejnë folenizimin në Kosovë për një periudhë shumë të gjatë kohore qëndrojnë në habitate të caktuara duke u kujdesuar edhe për rregullimin e çerdheve tyre. Një çerdhe e tillë ka qenë prej kohësh në rrethinën e komunës e Ferizajt përkatësisht në fshatin Lloshkobare e vendosur mbi një lis, i cili ma kalimin e kohës është tharë dhe çerdhja mbi të është vënë në rrezik të dëmtimit”- thuhet në njoftim.

ër këtë veprimtari AMMK pati edhe përkrahjen e KEDS-it.

“Pas verifikimit të gjendjen në terren dhe me qëllim të angazhimit për ruajtjen e llojit të Lejlekut të Bardhë (Ciconia ciconia) edhe me tutje në lokacionin e tij të preferuar, Instituti i Kosovës për Mbrojtjen e Natyrës, ka kërkuar përkrahjen nga KEDS-si, për vendosjen e çerdhes së re në vend të asaj të vjetrës”- thuhet me tej në njoftim.

IKMN është zotuar se do të vazhdojë angazhimin dhe koordinimin për ruajtjen e biodiversitetit.