Kompania Rajonale e Ujësjellsit (KRU) “Hidroregjioni Jugor” Sh.A. ka njoftuar konsumatorët se duke filluar nga muaji janar do të hyjnë në fuqi tarifat e reja të ujit, të miratuara nga Autoriteti Rregullator për Shërbimet e Ujit (ARRU), në kuadër të procesit tarifor për periudhën 2026–2028.
Sipas njoftimit zyrtar, rishikimi i tarifave është bërë si pasojë e rritjes së çmimit të energjisë elektrike, shtimit të kostove operative dhe të mirëmbajtjes, si dhe nevojës për investime të reja dhe zgjerim të rrjetit të ujësjellësit dhe kanalizimit.
