Në pjesën perëndimore të Kosovës (pellgu i Drinit të Bardhë), nga data 03–05.01.2026 janë regjistruar reshje të konsiderueshme të shiut, të cilat kanë ndikuar dukshëm në rritjen e niveleve dhe prurjeve të ujit, sidomos në lumenjtë: Ereniku, Bistrica e Pejës, Bistrica e Deçanit dhe Lumi i Istogut.
Kështu ka njoftuar Instituti Hidrometeorologjik i Kosovës (IHMK), i cili ka bërë të ditur se kryesisht bëhet fjalë për lumenjtë që rrjedhin nga Alpet Shqiptare dhe, si pasojë, në disa zona mund të kenë dalë nga shtrati i tyre.
Nga matjet që ka realizuar, Instituti ka dhënë detaje edhe për nivelin që lumenjtë kanë arritur si pasojë e reshjeve.
Nivelet e lumenjve sipas të dhënave të datës 05.01.2026, deri në ora 14:00 nga Instituti janë: Lumi i Istogut 1.6 m, Bistrica e Deçanit 1.3 m, Bistrica e Pejës 1.6 m, Ereniku 3.4 m.
Kurse, të dhënat e datës 04.01.2026, deri ora 12:00 janë: Mirushja 1.6 m, Lumi i Brodit 0.7 m, Toplluha 1.2 m, Bistrica e Prizrenit në Prizren 0.5 m dhe Bistrica e Prizrenit në Vlashnje 0.7 m.
“Kjo situatë kërkon vëmendje të shtuar, veçanërisht në zonat përreth rrjedhave lumore në pjesën perëndimore të vendit.” – ka theksuar IHMK.