Kryeministri i Shqipërisë, Edi Rama, i ka kërkuar Bashkimit Evropian që të veprojë me vendosmëri për të siguruar që Marrëveshja Bazë mes Kosovës dhe Serbisë, të zbatohet me shpejtësi.
Ai ka shkruar në Tëitter të enjten se rajoni nuk mund të bëhet peng i një krize të pafundme për shkak të këtyre dy shteteve, derisa tha se që s’duhet të lejohet veriu i Kosovës të bëhet Donbas i vogël (rajon ukrainas i kontrolluar nga një pjesë ruse).
“BE-ja duhet të veprojë me vendosmëri për të siguruar një zbatim të shpejtë të Marrëveshjes Bazë. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as Kosova Veriore, ku kufiri mes krimit të organizuar dhe politikës vendore është i paqartë, të bëhet një Donbas i vogël nga mosngritjet e nxitura nga Rusia dhe as dialogu të bëhet një lojë fajësimi të Ballkanit të Vjetër, nga mungesa e një vullneti real dhe të fortë të palëve të përfshira në të”, ka shkruar kryeministri i Shqipërisë.
Ai i quajti pozitive diskutimet, por shtoi se rajonit i nevojitet një përparim “para se të jetë tepër vonë”.
Klikoni KËTU për tu bërë pjesë e kanalit të TV Prizreni në Youtube.
