Qendra për Studime Universitare (QSU) ka realizuar me sukses një ushtrim 36-orësh fushor, në kuadër të trajnimit praktik për operacione mbrojtëse të kadetëve.
Gjatë këtij ushtrimi, kadetët u angazhuan në një sërë detyrash operative, përfshirë fortifikimin e pozicioneve mbrojtëse, zhvillimin e operacioneve të zbulimit dhe mbrojtjen e zonës së caktuar.
Pjesë e aktivitetit ishin edhe tre kadetë nga Kolegji Mbretëror “Saint-Jean” i Kanadasë, të cilët po ndjekin studimet në QSU për një semestër, duke kontribuar në shkëmbimin e përvojave profesionale.
Ky ushtrim kishte për qëllim rritjen e gatishmërisë profesionale dhe përmirësimin e aftësive taktike të kadetëve, duke dëshmuar përkushtimin e QSU-së në përgatitjen cilësore të kuadrove të ardhshme të Forcës së Sigurisë së Kosovës.
