Kryetari i Komunës së Prizrenit, Shaqir Totaj, së bashku me përfaqësues të GIZ-it në Kosovë, ka zhvilluar një takim pune në ‘Shtëpia e Bardhë’, me përfaqësuesit e dy kompanive të angazhuara në hartimin e Masterplanit për Hapësira Publike në këtë komunë.
Gjatë takimit janë prezantuar gjetjet dhe propozimet e masterplanit, i cili tashmë ndodhet në fazën përfundimtare.
Po ashtu, në takim është diskutuar edhe projekti i ndërhyrjes urbane në zonën e Parkut dhe Amfiteatrit në Prizren, me synimin për krijimin e hapësirave më funksionale, atraktive dhe të përshtatshme për nevojat e qytetarëve.
