Si pasojë e një mosmarrëveshje në tregun e kafshëve në Prizren, mëngjesin e sotëm ka ndodhur një konflikt ku janë përdorur dhe armë zjarri.
Policia në Prizren tashmë ka konfirmuar rastin ku bëhet e ditur se si pasojë e kësaj mosmarrëveshje 9 persona kanë pësuar lëndime nga shpërthimi i një granata dore. Po ashtu njoftohet se të gjithë te lënduarit janë në emergjencën e Spitalit Rajonal të Prizrenit.
Në vendngjarje kanë dalur hetimet rajonale të Prizrenit dhe janë duke mbledhur provat dhe dëshmitë. Tre të dyshuarit janë identifikuar dhe janë ne kërkim policor.
