Tetë persona janë arrestuar brenda dy javësh për cenim të përcaktimit të lirë të votuesve dhe ryshfet në lidhje me votimin.
Sipas Policisë së Kosovës, në javët e fundit janë trajtuar informacione të shumta për dyshime për ndërhyrje të jashtme në zgjedhjet e parakohshme të 7 qershorit.
“Gjatë javëve të fundit, institucionet e zbatimit të ligjit kanë pranuar dhe trajtuar informacione të shumta që ndërlidhen me dyshime për ndërhyrje të jashtme dhe aktivitete të kundërligjshme me qëllim të ndikimit në vullnetin e lirë të qytetarëve gjatë procesit zgjedhor. Ndërhyrjet e jashtme në zgjedhje, paraqesin kërcënim serioz për demokracinë, pavarësinë dhe vullnetin e lirë të qytetarëve”, thuhet në komunikatën e përbashkët të Policisë dhe Kryeprokurorit të Shtetit.
Si rezultat i veprimeve hetimore dhe operacionale, më 19 maj janë arrestuar shtatë persona të dyshuar për veprat penale që ndërlidhen me cenimin e përcaktimit të lirë të votuesve dhe ushtrimin e presionit politik në komunën e Graçanicës. Po ashtu, më 4 qershor, në të njëjtën komunë, është arrestuar edhe një person tjetër nën dyshimin për marrje dhe dhënie të ryshfetit në lidhje me votimin.
Klikoni KËTU për tu bërë pjesë e kanalit të TV Prizreni në Youtube.
