Policia e Kosovës i është bashkuar aktiviteteve për shënimin e Ditës Botërore të Dhurimit të Gjakut, përmes një aksioni humanitar të organizuar sot në Sheshin “Nëna Terezë” në Prishtinë.
Aktiviteti u realizua me iniciativën e Qendrës Kombëtare të Kosovës për Transfuzionin e Gjakut, në bashkëpunim me Drejtorinë e Shërbimeve Shëndetësore të Policisë së Kosovës.
Në kuadër të kësaj nisme, 25 pjesëtarë të njësive speciale të Policisë së Kosovës dhuruan vullnetarisht gjak, duke treguar solidaritet dhe përkushtim ndaj qytetarëve.
Policia e Kosovës theksoi se do të vazhdojë të mbështesë aktivitetet humanitare dhe nismat që kontribuojnë në shpëtimin e jetëve dhe ruajtjen e shëndetit publik.
Klikoni KËTU për tu bërë pjesë e kanalit të TV Prizreni në Youtube.
