Përmes një postimi në facebook, kryetari i Prizrenit ka njoftuar se është bërë rregullimi i rrethojave të “Urës së Marashit” duke përdorur elemente të metalit, gurit dhe drurit, ashtu siç e kërkon ligji për Qendrën Historike të Prizrenit.
Ky është postimi i plotë:
“Kjo urë, e cila gjendet në një ambient mjaft të frekuentuar e në hyrje të Marashit, me plot gjelbërim e bukuri natyrore, për fat të keq kishte pësuar nga vandalizmi i personave të papërgjegjshëm.
Tani kemi bërë rregullimin e rrethojave të urës, duke përdorur elemente të metalit, gurit dhe drurit, ashtu siç e kërkon ligji për Qendrën Historike të Prizrenit.
E dimë se ky intervenim ka marrë pak kohë, por kjo ka ndodhur për shkak se ura gjendet në qendrën historike të qytetit dhe për realizimin e këtyre punimeve na duhej të prisnim marrjen e lejeve të duhura nga institucionet përkatëse
Gjatë vitit të ardhshëm do të vazhdojmë punën për rregullimin e të gjitha urave të qytetit.”
Klikoni KËTU për tu bërë pjesë e kanalit të TV Prizreni në Youtube.
