Sot, më 22 shtator, shënohet Dita Ndërkombëtare pa Makina, e cila synon të promovojë forma më të qëndrueshme të transportit dhe mbrojtjen e mjedisit.
Kjo ditë u bën thirrje qytetarëve që, të paktën për një ditë, të lënë makinat dhe të zgjedhin ecjen, biçikletën ose transportin publik.
Qëllimi është të tërhiqet vëmendja ndaj ndikimit që përdorimi i automjeteve ka në ndotjen e ajrit, mjedis dhe shëndetin e njerëzve.
Nisma për ditët pa makina nisi të marrë hov në qytete evropiane gjatë viteve 1990, ndërsa më pas u përhap në shumë vende të botës.
Çdo vit, më 22 shtator, qytete të ndryshme organizojnë aktivitete që promovojnë lëvizjen pa makina dhe përdorimin e hapësirave publike nga këmbësorët dhe çiklistët.
Dita pa Makina synon gjithashtu të nxisë diskutimin për zvogëlimin e varësisë nga automjetet private, zhvillimin e transportit publik dhe krijimin e qyteteve më të sigurta për këmbësorët.
Përdorimi më i madh i biçikletave, ecja dhe transporti publik mund të ndihmojnë në uljen e ndotjes së ajrit dhe zhurmës, si dhe në zvogëlimin e trafikut në zonat urbane.
Dita Ndërkombëtare pa Makina shënohet çdo vit më 22 shtator.
Klikoni KËTU për tu bërë pjesë e kanalit të TV Prizreni në Youtube.
