Në Pikën e Kalimit Kufitar, në Jarinje, dy autobusë me pelegrinë dhe alpinistë serbë nuk janë lejuar të hyjnë në territorin e Republikës së Kosovës.
Kështu ka deklaruar Petar Petkoviq, shef i të ashtuquajturës, zyra për Kosovë në Qeverinë e Serbisë.
Petkoviq vuri në dukje se ndalimi i hyrjes është në kundërshtim me Marrëveshjen për Lirinë e Lëvizjes, duke kujtuar se ata mbajtën dje një grup tjetër besimtarësh në atë vendkalim për më shumë se pesë orë.
Dje, Ministrja serbe e Punës, Punësimit, Çështjeve të Veteranëve dhe Çështjeve Sociale, Darija Kisić Tepavčević, gjithashtu u ndalua të hyjë në Kosovë, e cila planifikoi të mbajë një provim në Mitrovicën e Veriut me studentë të vitit të tretë në Departamentin e Epidemiologjisë së Fakulteti i Mjekësisë.
“Këto incidente dhe provokime që vijnë nga Prishtina vazhdojnë dhe ne shohim që incidentet po intensifikohen ndërsa afrohet vazhdimi i dialogut,” tha Petkoviq.
FrontOnline ka provuar të marrë përgjgije edhe në Ministrinë e Punëve të Jashtme të Kosovës, por ata kanë qenë të paqasshëm./FrontOnline
