Për të katërtën javë me radhë, deputetët e Partisë Demokratike të Kosovës dhe ata të Aleancës kanë vazhduar aksionin e tyre para ndërtesës së Qeverisë, duke kërkuar vazhdimin e seancës konstituive.
Këtij aksioni i janë bashkuar edhe aktivistë e asamblistë të PDK-së nga Prizreni e Suhareka. Pas përfundimit të protestës, përfaqësuesit e tyre pritet të deklarohen për media.
PDK dhe Aleanca po kërkojnë që kryeministri në detyrë, Albin Kurti, t’i kthehet Kuvendit të Kosovës dhe të thërrasë seancën për konstituimin e legjislaturës.
PDK-ja e konsideron të domosdoshme zhbllokimin e procesit të konstituimit të Kuvendit, në mënyrë që institucionet e vendit të mund të funksionalizohen.
Klikoni KËTU për tu bërë pjesë e kanalit të TV Prizreni në Youtube.
