Instituti Hidrometeorologjik i Kosovës (IHMK) ka bërë të ditur se të dielën, më 25 tetor 2026, në Kosovë do të mbajë mot i vranët, me intervale me diell.
Sipas parashikimit, temperaturat minimale do të lëvizin nga 2 deri në 6 gradë Celsius, ndërsa ato maksimale pritet të arrijnë nga 15 deri në 18 gradë Celsius.
Era do të fryjë nga drejtimi i verilindjes dhe veriperëndimit, me shpejtësi prej 1 deri në 3 metra në sekondë.
Sa u përket kushteve biometeorologjike, ato pritet të jenë përgjithësisht të favorshme për shumicën e njerëzve. Megjithatë, temperaturat e ulëta gjatë orëve të mëngjesit, veçanërisht në zonat e ulëta, mund të shkaktojnë ndjesi të të ftohtit.
IHMK rekomandon veshje të përshtatshme gjatë mëngjesit, ndërsa temperaturat relativisht të këndshme dhe era e lehtë gjatë ditës do të krijojnë kushte të mira për aktivitete në ambient të hapur.
Klikoni KËTU për tu bërë pjesë e kanalit të TV Prizreni në Youtube.
