Zëdhënësi i Partisë Demokratike të Kosovës (PDK), Avni Bytyçi ka komentuar protestat e kaosin e krijuar në ndërtesën e Kongresit amerikan, shkruan GazetaBlic.Në një postim në Facebook, Bytyçi ka thënë se sulmet në këtë senat, sipas tij, s’dallojnë nga sulmet e opozitës VV-AAK-NISMA, teksa e ka cilësuar si të drejtë deklaratën e ish-ambasadorit Delaëie.
“Sulmet në Capitol Hill — Kongresin/Senatin amerikan në esencë nuk dallojnë nga sulmet e opozitës (VV-AAK-NISMA) në Kuvendin e Republikës së Kosovës në vitin 2015. Këtu amb. Delaëie ka të drejtë për krahasimin”, ka shkruar ai pos tjerash.
Postimi i plotë: Nëse e lexoni me vëmendje qëndrimin zyrtar të Albin Kurtit lidhur me aktvendimin e GjK-së, e vëreni se ai dhe partia e tij, Lëvizja Vetëvendosje nuk kanë ndryshuar.
Albini seriozisht mendon se kauza e tij është mbi shtetin e Kosovës, ndërsa dhuna politike si instrument për të përmbysur rendin kushtetues e institucional i pranueshëm për derisa ai e “ka legjitimitetin popullor”.
Sulmet në Capitol Hill — Kongresin/Senatin amerikan në esencë nuk dallojnë nga sulmet e opozitës (VV-AAK-NISMA) në Kuvendin e Republikës së Kosovës në vitin 2015. Këtu amb. Delawie ka të drejtë për krahasimin.
Kjo është edhe arsyeja se pse Albin Kurti nuk ka qenë asnjëhere i kënaqur si KM me pushtetin që e kishte në vitin 2020. Albini kërkon gjithmonë më shumë pushtet për autoritet, e jo pushtet për të qeverisur.
Ai, si çdo populist thirrët në ligjitimitet popullor, e jo në legalitetin institucional qe vjen nga mandati i popullit përmes votës.
Kjo është edhe arsyeja se pse ai e kishte shkelur kushtetutën për të disatën here gjatë mandatit të tij 50 ditor. Kjo është edhe arsyeja se pse ai nuk thotë se do ta pranojnë çfarëdo vendimi të GjK-së, por, do ta analizojnë e pastaj këshilli i LVV-së do të vendos.
Thua ti se rendi ynë demokratik varët nga disa prepotent të Lëvizjes Vetëvendosje që as bukë nuk ngrënë pa ua thënë Albini, edhe këtu jo rastësisht ai e thekson përseri se “popullin” e ka mbrapa!
Albin mund ta ket përkrahur publikisht Joe Biden për president, por tërë jetën e tij është sjellur si presidenti Trump në ditët e tij të fundit në mandat. I mbërthyer në konspiracione dhe i mbuluar në të pavërteta politike, duke arsyetuar gjithmonë dhunën politike me kauza të rrejshme, siç ka qenë në rastin tonë DEMARKACIONI dhe shkëmbimi i TERRITOREVE.
