Parlamenti Studentor i Universitetit “Ukshin Hoti” në Prizren, ka reaguar lidhur me situatën e krijuar në Maqedoninë e Veriut, duke shprehur mbështetje për studentët shqiptarë dhe kërkesën e tyre për respektimin e të drejtës për arsim dhe provime në gjuhën amtare.
Përmes një reagimi publik, Parlamenti Studentor ka shprehur mbështetje të plotë edhe për protestën e paralajmëruar të mbahet të hënën nga ora 16:30, duke e cilësuar kërkesën e studentëve si legjitime dhe të drejtë themelore.
Në reagim thuhet se e drejta për të mësuar dhe për t’u vlerësuar në gjuhën shqipe nuk është privilegj, por një e drejtë që duhet të respektohet pa kompromis.
