Policia e Kosovës ka njoftuar se të shtunën e javë sa kaluar, në katër raste të ndara në fshatin Banjskë të Zveçanit, ka gjetur armë pa leje.
Në të gjitha rastet thuhet se armët janë konfiskuar dhe po vazhdojnë të hetohen në procedurë të rregullt.
Sipas Policisë së Kosovës në një shtëpi janë gjetur një pushkë “karabin” dhe një pushkë ajrore.
“Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë ‘Karabin’ me 87 copë fishekë dhe një pushkë ajrore”, thuhet në raportin e Policisë.
Në rastin tjetër është gjetur një pushkë gjuetie dhe 74 copë fishekë. “Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë gjuetie dhe 74 copë fishekë për të cilën nuk posedonte leje valide”, thuhet në raportin e Policisë.
Në rastin tjetër është gjetur një pushkë “karabin”.
“Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë ‘Karabin’ pa municion”, thuhet në raportin e Policisë.
Ndërsa në një tjetër rast Policia ka gjetur një pushkë gjuetie me 10 fishekë.
“Fsh. Banjskë, Zveçan 23.09.2023 – 14:35. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë gjuetie dhe 10 copë fishekë për të cilën nuk posedonte leje valide”, thuhet në raportin e Policisë.