Osmani uron muajin e shenjtë të Ramazanit: Le të sjellë paqe dhe harmoni në familje

Presidentja e Kosovës, Vjosa Osmani, ka uruar besimtarët myslimanë me rastin e fillimit të muajit të shenjtë të Ramazanit.

Në një postim të saj, presidentja Osmani ka shkruar se ky muaj sjelltë më shumë paqe në zemrat e secilit.

“Le të sjellë ky muaj i bekuar më shumë paqe në zemrat e secilit, më shumë mirësi dhe më shumë solidaritet në vepra. Ramazani është kohë reflektimi dhe afrimi me njëri-tjetrin. Uroj që sofrat tuaja të jenë të mbushura me begati e shtëpitë me harmoni! Agjërim të lehtë e të pranuar!”, ka uruar Osmani.

Urimi i presidentes Osmani vjen si një mesazh i fortë i solidaritetit dhe reflektimit gjatë këtij muaji të shenjtë, duke theksuar rëndësinë e paqes, mirëkuptimit dhe bashkëjetesës në shoqëri.