Një 17-vjeçar ka mbetur i plagosur si pasojë e të shtënave me armë zjarri në fshatin Gjonaj në Prizrenit.
Sipas raportimeve, incidenti ka ndodhur në mbrëmjen e 2 majit 2026.
Sipas Policisë, i riu ka marrë plagë në këmbë dhe është transportuar për trajtim në Spitalin e Përgjithshëm në Prizren
Burime zyrtare bëjnë të ditur se gjendja e tij shëndetësore është stabile dhe jashtë rrezikut për jetën. Ndërkohë, si i dyshuar për rastin përmendet një tjetër i mitur, 16-vjeçar, i cili është dorëzuar në polici.
Zëdhënësi i Policisë për rajonin e Prizrenit, Shaqir Bytyqi, ka konfirmuar se lidhur me rastin është njoftuar Prokuroria kompetente.
Rasti po trajtohet nga organet e rendit dhe mbetet në hetime.
Klikoni KËTU për tu bërë pjesë e kanalit të TV Prizreni në Youtube.
