LAJME

Nisin investimet në rrjetin elektrik në Pllanjan të Prizrenit

Nisin investimet në rrjetin elektrik në Pllanjan të Prizrenit
TV Prizreni
TV Prizreni
17 Nëntor 2026, 09:35

Kanë nisur punimet për përmirësimin e rrjetit të energjisë elektrike në fshatin Pllanjan të Prizrenit, pas problemeve të vazhdueshme me rrjetin e vjetëruar dhe ndërprerjet e furnizimit me energji elektrike.

Për fillimin e punimeve ka njoftuar drejtori i Drejtorisë për Situata Emergjente dhe Siguri në Komunën e Prizrenit, Sead Arifi, i cili ka bërë të ditur se investimet e paralajmëruara tashmë kanë hyrë në fazën e realizimit.

Arifi ka shprehur mirënjohje ndaj kompanisë KEDS për përfshirjen e nevojave të banorëve në planifikimin e investimeve dhe nisjen e punimeve, duke theksuar se ky projekt pritet të kontribuojë në modernizimin e infrastrukturës elektrike dhe në përmirësimin e sigurisë së furnizimit me energji elektrike.

Ai ka uruar banorët e Pllanjanit dhe të gjithë Famullisë, duke vënë në pah se angazhimi për realizimin e këtij projekti është dëshmi e kalimit nga premtimet në veprime konkrete.

 

Klikoni KËTU për tu bërë pjesë e kanalit të TV Prizreni në Youtube.

Të tjera nga rubrika