Kryeministri i Kosovës, Avdullah Hoti, gjatë ditës së djeshme përmes një postimi në rrjetin e tij social facebook, ka thënë se janë rritur kapacitetet për furnizim me oksigjen të lëngshëm,
Zyrtari për Komunikim në Spitalin e Prizrenit, Shefajet Berisha, ka thënë për Gazetën Express, se nga 121 pacientë të hospitalizuar, 78 janë me oksigjen.
Berisha është shprehur se me rritjen e numrit të pacientëve, po shpenzohet edhe më shumë oksigjeni.
“Për momentin jemi të furnizuar me O2, por me rritjen e numrit të pacientëve është rritur edhe shpenzimi i O2. Ne kemi një tanker 10 tonësh me O2, por meqë O2 është produkti kryesor për trajtimin e pacientëve në këtë periudhë dhe meqë shpenzimet e O2 i kemi enorme, ne kemi kërkuar që të furnizohemi edhe me një tanker tjetër”, ka deklaruar ai.