Kryetari i Bashkësisë Lokale të fshatit Vlashnje, Petrit Hoxhaj, ka reaguar ndaj hedhjes dhe djegies së mbeturinave në zonat malore dhe në Grykën e Lumbardhit, duke u bërë apel qytetarëve dhe kompanive të ndërtimit që të ndalin këtë praktikë.
Përmes një reagimi publik, Hoxhaj ka shprehur shqetësimin për ndotjen e mjedisit dhe rrezikun që djegia e mbeturinave paraqet për shëndetin e banorëve, veçanërisht të fëmijëve.
Sipas tij, pas ndezjes së mbeturinave, është kërkuar intervenimi i ekipit të zjarrfikësve të Prizrenit, të cilët kanë dalë në vendin e ngjarjes për shuarjen e zjarrit.
