Deputeti i Lidhjes Demokratike të Kosovës (LDK) dhe ish-kryeministri Avdullah Hoti ka dhuruar gjak, duke u bërë thirrje qytetarëve që të kontribuojnë në shpëtimin e jetëve përmes dhurimit vullnetar.
Përmes një postimi, Hoti ka theksuar rëndësinë e dhurimit të rregullt të gjakut për funksionimin e sistemit shëndetësor.
“Dhurimi i rregullt i gjakut është një nga mënyrat më të thjeshta dhe më të rëndësishme për të kontribuar në shpëtimin e jetëve. Nëse jeni të shëndetshëm, ju ftoj të bëheni dhurues të rregullt”, ka shkruar Hoti.
