OJQ “EC Ma Ndryshe” organizoi shfaqjen e një filmi dokumentar mjedisor, ku morën pjesë nxënës dhe mësimdhënës të shkollave të mesme të qytetit.
Sipas njoftimit të organizatës, përmes dokumentarit u trajtua rëndësia e mbrojtjes së biodiversitetit, restaurimit të ekosistemeve të dëmtuara dhe përfshirjes së komunitetit në ruajtjen e natyrës.
“Aktiviteti synoi të rrisë ndërgjegjësimin e të rinjve për rëndësinë e mbrojtjes së mjedisit dhe përgjegjësinë e përbashkët për ruajtjen e pasurive natyrore.” – thuhet në njoftim.
Pas shfaqjes, u mbajt diskutimi, gjatë të cilit u trajtua gjendja e biodiversitetit në Kosovë, nevoja për iniciativa të restaurimit ekologjik dhe mundësitë për zbatimin e tyre në Kosovë.
Siç bëhet e ditur, gjatë diskutimit u ndanë edhe përvoja nga vende të tjera lidhur me metodat e pyllëzimit dhe mirëmbajtjen e pyjeve, duke evidentuar praktika që mund të shërbejnë si shembuj për Kosovën.
“Aktiviteti u përmbyll me mesazhin se mbrojtja e natyrës dhe ruajtja e biodiversitetit kërkojnë angazhim të përbashkët, ndërsa përfshirja e të rinjve është e rëndësishme për ndërtimin e një qasjeje më të përgjegjshme ndaj mjedisit.” – njofton EC Ma Ndryshe.
Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.
Klikoni KËTU për tu bërë pjesë e kanalit të TV Prizreni në Youtube.
