Ministria e Kulturës dhe Turizmit dhe Agjencia për Informim dhe Privatësi kanë nënshkruar memorandum bashkëpunimi, me qëllim avancimin dhe standardizimin e mëtejshëm të praktikave për publikimin proaktiv të dokumenteve dhe informacioneve publike.
Në kuadër të këtij memorandumi, parashihet zhvillimi i kapaciteteve të zyrtarëve përgjegjës, harmonizimi i praktikave të publikimit, si dhe monitorimi i zbatimit të obligimeve për publikimin proaktiv të dokumenteve dhe informatave.
Marrëveshja është pjesë e zbatimit të Planit të Veprimit të Partneritetit për Qeverisje të Hapur 2026–2028 dhe synon të kontribuojë në krijimin e një modeli të standardizuar për publikimin e informacionit publik.
