Sot, u.d i gjimnazit “Gjon Buzuku”, Jeronim Susuri, në ambientet e Ambasadës Bullgare në Prishtinë, ka nënshkruar kontratën për projektin “Krijimi i Kabinetit të Fizikës dhe Astronomisë”, në mes të gjimnazit “Gjon Buzuku” dhe Ambasadës Bullgare.
Ky është njoftimi i plotë:
Sot në Ambasadën Bullgare në Prishtinë së bashku me Ambasadorin Shkëlqësinë e tij, Hristo Gudjev, nënshkruam kontratën mbi projektin e fituar për shkollën tonë me shumë 15 053.97 €.
Projekti i Shkollës sonë me titull: ‘Krijimi i Kabinetit të Fizikës dhe Astronomisë’ do të implementohet në afat kohor nga dita e nënshkrimit deri më 30.09.2021.
E falenderojmë Ambasadën Bullgare dhe drejtoreshën e DKA-së në Prizren, Znj. Xhemile Thaçi Vezgishi për mbështetjen!
