Gjatë ditës së djeshme, në dy lokacione të tregut në zonën e Rugovës, në Prizren, janë kryer kontrolle lidhur me shitjen e paautorizuar të peshkut.
Sipas njoftimit të Federatës së Peshkatarëve Sportivë dhe Rekreativë të Kosovës (FPSRK), gjatë kontrolleve është konfiskuar peshku që shitej pa autorizimin përkatës dhe më pas është asgjësuar. Për këtë veprim është hartuar procesverbal zyrtar.
Nga FPSRK-ja është bërë e ditur se kontrollet do të vazhdojnë në të gjithë territorin e Kosovës, me qëllim të parandalimit të shitjes së paligjshme të peshkut dhe luftimit të kontrabandës.
Në njoftim, kryetari i FPSRK-së, Milaim Ramiz Vitia, ka theksuar se do të vazhdojnë angazhimet për mbrojtjen e ujërave, faunës peshkore dhe interesave të peshkatarëve të ligjshëm.
Klikoni KËTU për tu bërë pjesë e kanalit të TV Prizreni në Youtube.
