“Muzika nuk vret”, gastronomët nesër protestojnë me sirena para qeverisë

Shoqata e Gastronomëve i ka ftuar gastronomët që të dalin nesër, me fillim nga ora 21:30, me automjete për të kundërshtuar vendimin e qeverisë për masat e reja në bazë të të cilave orari i lokaleve është zgjatur deri në orën 23:00, por muzika lejohet vetëm deri në 21:30.

“Nesër, e diele, ora 21:30, ftojmë të gjithë gastronomët që të dalim para Qeverisë, duke i marrë automjetet tuaja për të protestuar kundër masave të reja, me sirena!! Kundërshtojmë masat duke e rujt shëndetin publik! #muzikanukvret”, thuhet në njoftimin e Shoqatës së Gastronomëve.