Administrata Tatimore e Kosovës (ATK) ka shënuar rritje në të hyrat tatimore për 68 milionë më shumë në periudhën janar-qershore të këtij viti, krahasuar me periudhën e njëjtë të vitit të kaluar.
Në një konferencë për media, drejtori i këtij institucioni, Ilir Murtezaj tha se në këtë periudhë të hyrat e grumbulluara nga tatimet janë 423.2 milionë euro, ose 19 për qind më shumë se në periudhën e njëjtë të vitit paraprak.
Murtezaj tha se pavarësisht sfidave që po ballafaqohet vendi nga ana ekonomike, falë punës që po bëjnë kanë arritur të shënojnë progres në këtë drejtim.
Mes tjerash, duke folur për inkasimin e borxheve, Murtezaj tha se ka ulje të borxheve në këtë drejtim.
Ai ka theksuar se sfidë kryesore e ATK-së është identifikimi dhe trajtimi i personave, të cilët nuk deklarojnë të ardhurat e tyre personale. / KP
Klikoni KËTU për tu bërë pjesë e kanalit të TV Prizreni në Youtube.
