Kryetari i PDK-së, Memli Krasniqi ka qëndruar sot për ngushëllime në Mitrovicë, pas vdekjes së Fazli Veselit, që është babai i Kadri Veselit.
Kjo është bërë e ditur me anë të një komunikate për media nga PDK.
“Krasniqi e ka kujtuar bacën Fazli si njeri e baba të fortë, si simbol të rezistencës, i cili i ka edukuar fëmijët e tij me frymën e atdhedashurisë dhe patriotizmit”, thuhet në njoftim.
“Dhimbjen për vdekjen e bacës Fazli e shton mosprezenca e kryetarit Veseli, i cili po gjykohet padrejtësisht në Hagë për luftën çlirimtare. Por, kjo dhimbje shndërrohet në krenari, sepse baca Fazli do të mbahet mend për kontributin e pakursyer dhe bijve të tij për lirinë e Kosovës”, thuhet tutje në njoftimin e PDK-së.
