Është përmbyllur me një atmosferë festive edicioni i sivjetmë i Prizren Rock & Blues Music Festival, duke mbledhur për tri net me radhë artistë të njohur dhe adhurues të muzikës në zemër të Prizrenit.
Kryetari i Komunës së Prizrenit, Shaqir Totaj, ka vlerësuar organizimin e festivalit, duke theksuar se ngjarja u karakterizua nga energji e jashtëzakonshme dhe performanca të nivelit të lartë.
Sipas tij, në natën përmbyllëse skena kryesore u dominua nga koncertet e Dire Straits Legacy, Telex dhe Beska & All Star Band, ndërsa në skenën “Sunset Stage” publiku u argëtua nga Urban Band & Flavia Zare dhe Dhjetori.
