Rastet kur persona të ndryshëm kërkojnë ndihmë në spital për shkak të lëndimeve që pësojnë në vendet e tyre të punës nuk janë të rralla. Ato shpesh herë ndodhin si pasojë e kushteve të këqija që ofrojnë kompanitë, por me raste janë edhe aksidentale, raporton Gazeta Sinjali.
Ndihmë në spital ka kërkuar edhe dje një punëtor i një kompanie private për prodhimin e mobileve në fshatin Lubizhdë të Prizrenit.
Burimet e Gazetës Sinjali brenda Emergjencës së Spitalit Rajonal në Prizren kanë bërë me dije se 21-vjeçari është dërguar atje në gjendje të rëndë shëndetësore për shkak të lëndimeve që kishte marrë në këmbë gjatë punës në mobilieri.
