Kryetari i kësaj komune, Smajl Latifi, ka thënë se ky festival po dëshmon që Rahoveci është kryeqendra e traditës dhe kulturës.
“’Hardh Fest’ po dëshmon që Rahoveci është kryeqendra e traditës, kulturës, vreshtarëve, është një ekip i jashtëzakonshëm që di të krijojë ngjarje fantastike, që jo vetëm unë, por edhe qytetarët e komunës edhe shqiptarët kudo që ndodhen ndihen mirë”, u shpreh ai.
Ai u shpreh se zotohet që do t’i japë përkrahje edhe më të madhe këtij festivali, përcjell Klankosova.tv.
“Besoj që ky festival meriton përkrahje edhe më të madhe nga komuna e Rahovecit dhe zotohem që do t’i jap përkrahje edhe më shumë kësaj ngjarjeje, jashtëzakonisht të rëndësishme, të veçantë, që po sjell kaq shumë ndjenjë të mirë, kaq shumë njerëz, edhe nga Kosova edhe nga Shqipëria, por edhe ambasadorë, diplomatë e vizitorë të huaj”, u shpreh Latifi.